اميرة دارها - فواز حمود بن غضيان

من فلسفة هتلر غزيت العالم اللي يسمعون
‏اقصف طواريق الشعر لين استحل أفكارها

ترى الشعر في مجملة فنٍ على كل الفنون
‏ما يرتبط في مدرسة ولا حسب أعمارها

‏إن قلت لي كم لك ترى ماني من اللي يذكرون
‏ليه ومتى وأول بدأ منتج يعد اخبارها

اكتب على احساس الشعر قافٍ يواليه اللحون
‏ما همّني يمكن تحس او ما تحس بشعارها

ذكّر فإن الذكرى تنفع الذين يؤمنون
‏هذه هي الذكرى وغيره ينمحي اذكرها

‏كلمة احبك لا بدأت هي أول أعراض الجنون
‏قالت أحبك قلت أحبك وابتدأ مشوارها

‏ودرب هذا فيهم اللي يصدقون ويكذبون
وانا على صدق المحبه ما طمرت اجدارها

‏اخترت من جزل الفرايد ولفرايد لك تكون
احرق بها صدورٍ وبه صدور اطفي نارها

أحرقت ناس ما تحب الدار مدري وش يبون
‏والناس فيهم طيب ونذلٍ وحامي دارها

‏الحامي الله مكرم مزحولٍ على الله ما تهون
‏واللي على ما قيل طيب محتمي بسوارها

‏طيب يسمونه ولا له دور محسن الظنون
‏والناقص الثاني نذل حاسد نشير اسرارها

‏ما به ترى خيرٍ وعند الخير يصبح مغبون
‏نقال ملعون الجدف مفتاح كل اشرارها

‏ياخذ ولا يعطي ولو بيده سرق منك العيون
‏تبني مصالحها وصيده دايمٍ بعكارها

‏أختامهم جمعه ولا به معرفة ضرب الصحون
‏خوه أبو يوم وشهر نبتة بدون ثمارها

‏يا جعلهم والله فدا للي على الشدة يجون
‏ناسٍ ن تحسب حسابها في وقتها تختارها

‏أنا تراني شاعر مفوّه على الزينه امون
‏عدني على يمناك موجٍ معتلي ببحارها

‏أي والله إني صادقٍ وأعرف صديقك ما يخون
‏حبل الصداقه بيننا ممدود لك بستارها

‏ساقيك من عمري إلين انبت على غصنك غصون
‏واصبح على غصونك ورق ظلٍ جلست وجارها

هذا كلامي وأدعي الله يا عساكم تسلمون
‏لا قلت أحبك صدق احبك يا أميرة دارها

© 2024 - موقع الشعر