طواري الصبح

طواري الصبح هبت مع نسيم البراد
‎صحيت منها وعندي دوب دق الجرس

تغانمتني وانا معها لزمت الحياد
‎والصبر ذيبٍ جويع وفي حشاي أفترس

مرحوم جدي يقول أتعب عشان الحصاد
‎ما يستوي ساقي الشجره مع من غرس

البارح الجرح معلن فالحنايا هجاد
‎والصوت طفلٍ 'يتيمٍ' همّلوه وخرس

ما عاد باقي بصوته غير بحّت حداد
‎من يوم ختّم مناهج لوعته ما درس

يكفيه منها طموح وما مضى من جهاد
وحلمٍ طبخته مع الايام لين أنهرس

على حوافر فرس من صافنات الجياد
‎جت واستباحت خفوقي فوق ظهر الفرس

كنها طلايع لجيشٍ " قايده بن زياد "
‎وانا أسيرٍ مقيّد فوق راسي حرس

#فهد_المنصوري‬⁩‬