اغار

لـ ساره بنت تركي، ، في الغزل والوصف، 11

اغار - ساره بنت تركي

يا تاج راسي بعتذر و اترجاك
واطلبك عفوك والرضى والهديّه
 
زلّة لساني ترتجي مثل شرواك
دمحت خطا لهل الرجا مقدريّه
 
زيّنك ربي بالحلى في محياك
ومن بين خلق الله لك قابليّه
 
القلب اوسع من مدارات الافلاك
و ارحم من قلوب الأُمومه عليّه
 
خوفي عليك من المخاليق تهواك
واخشى عليك من القلوب الشقيّه
 
والجمر لو انه على الصدر دكاك
اهون علي من الدنس والدنيّه
 
انته زهر بستان من بين الاشواك
والشوك مايامن عليكم أذيّه
 
اقولها من قلب ماهو بشكّاك
عندي ثقه ان اغلب الشوق ليّه
 
قلبي قليب وتدلى الدلو برشاك
وضلوع صدري لك عن الحر فيّه
 
الروح مرهونه وانا كلّي فداك
جيتك و انا قلبي تشيله يديه
 
اغار من كاس يلامس شفاياك
يشرب عسل ريقك بشربه هنيّه
 
ارجوك رجوى الي يحبك و يهواك
وانصاك من باب الغلا و الحميّه
 
الحب مايجهل والا هوب يخفاك
حب(ن)غرس بين الضلوع القويّه
#ساره_تركي‬⁩
© 2023 - موقع الشعر