يادار.. لا لجة ولا زود تصريخ
انتي عظيمه في غلانا جديره
ندوج ب امنك لا عصابه وتفخيخ
من حد عرعر للجنوب وعسيره
الارض جنه، والجبال الشواميخ
ازكى تضاريسٍ بشبه الجزيره
يادار، في بطنك رجال المناويخ
صانوك والله بالليال العسيره
مالطخو تربتك بالدم تلطيخ
الا لجل تبقين ب امن وستيره
انتي صحف ومجلدات وتواريخ
ماضي وحاضر سجلو عنك سيره
سيرتك ماهي لا اشاعة وتنفيخ
نافخك فعل اللي رعاك ببعيره
فوق ارضك الجردا وفوق الصلابيخ
بناء على فجوجك منابر كثيره
رعاك والله من لقاط الشماريخ
حتى غدت خيرات ارضك وفيره
وبدل شلافينا قذايف صواريخ
وسيوفنا، صارت سلاح وذخيره
وصقور جو تفرخ العز تفريخ
على سماك عداك ماطار طيره
لم الشتات ورسخ العز ترسيخ
خلا العشاير كل ابوها عشيره
هذي السعوديه بلاد المطانيخ
والراية الخضراء نعمنا بخيره
عبدالعزيز مفصخ الذل تفصيخ
العز لبسه - مايبي لبس غيره
مافيه مثله لا امامٍ ولا شيخ
والحاسد الملعون يزفر زفيره
هذا وطنا قبلة الدين وتفيخ
روسٍ ماهي قده ولاهي نظيره
شعبك معاك اذا نبح دونك الذيخ
نامت عيونك ياوطنا قريره
سيري يادار منوخ الصعب تنويخ
محمد ولد سلمان والله نصيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.