تكفى طلبتك ياخفوقي عن الضيق - عبدالله فهد الشمري

تكفى طلبتك ياخفوقي عن الضيق
طنش تعش والله كفيل الخلايق

لو استمع لهروج ناسن مطافيق
مامر يوم و صرت انا فيه رايق

اسما لنفسي بالجبال الشواهيق
والناس تحتي جعلها في حرايق

اللي سوالفهم على فكة الريق
غيبه ونمه واختلاف الحقايق

يفرقون اعز الاصحاب تفريق
نقالة السيات بين الرفايق

هذا وانا ماعم كل المخاليق
ويعوقني لا اعمها الف عايق

فيه الرجال الغانمين المطاليق
اللي عليها مدح الاجواد لايق

عزاز النفوس وحافظين المواثيق
اللي لها بالطيب عهد ووثايق

شرواك ياصالح عساك التوافيق
وبجاه منهو فوق سبعن طبايق

حيثك خوين يارتكى كنه طويق
درعن متين ليا هبا كل بايق

لا يابعد من صار طيبه ملاحيق
واهل جوازات السفر والبطايق

© 2023 - موقع الشعر