ياجافل الحب

لـ عبدالله فهد الشمري، ، في الغزل والوصف، آخر تحديث

ياجافل الحب - عبدالله فهد الشمري

ياجافل الحب فيني مِنكم غصه
‏ليت النظر ماتلاقى بيني وبينك

‏عينك روايه وعبدالله بطل قصه
‏نهايته مات في طعنة هدب عينك

واللول في مبسمك ياليتني لصه
او لص ٍ اسرق ثمر عنابك وتينك

جمالك اليوسفي ابداع واختصه
خلاقنّا اللي جعلني من محبينك

كان الحلا مدرسه انتي ترى حصه
ربي مزج زعفران وسكر بطينك

سيناريو كاتبه مجنون بك نصه
مافيه زينن اشوف انه مثل زينك

نظره وراحت ياليته ترجع الفرصه
يمكن يميني تصافح راحة ايمينك

© 2023 - موقع الشعر