اعذريني

لـ عبدالله فهد الشمري، ، في العتب والفراق، آخر تحديث

اعذريني - عبدالله فهد الشمري

اعذريني حان وقتي بالرحيل
الفراق … ولا المشاعر بارده

ماهقيت ان الزمن فينا يميل
كنت اظن ان العلاقه خالده

اعذريني ما احس اني خليل
والحلول اللي اتخذته بايده

لجلنا سويت فيك المستحيل
وبعدها ما ظن احصل فايده

اعذريني اشتعل راس الفتيل
ب صدري اللي تلتهب وقايده

الكثير ادري تشوفينه قليل
وميزة النكران عندك سايده

اعذريني والزمن فينا طويل
وبتذكرين عبدالله و عوايده

كان همي كل صبح وكل ليل
ان اشوفك بالسعاده زايده

اعذريني شاعرك ماهو بخيل
ولك يسخر فكره وقصايده

كم قصيده قلتها وانا عليل
لجل اشوف الإبتسامه عايده

اعذريني رحت في حال السبيل
وموق عيني بالمدامع جايده

وما اظن انك بتلقين البديل
ياغزال ٍيتعب اللي صايده

© 2023 - موقع الشعر