بيني وبينك مالنا فيه مصلوح
خله يروّح يبتعد لايجينا
حنا رجال ودربنا درب مسموح
مانلتفت للي سقط من ايدينا
درب السنع برهان للكل مشروح
ماهو غريب الحال خافي علينا
أهل الوفا نالو من الطيب مربوح
قولٍ نهج بالصدق فيه ارتضينا
الله واكبر نعتلي عالي سفوح
مانورد آلا عذب منْه ارتوينا
وآلا الهماج لغيرنا ورد وطموح
ناسٍ تبي توقف مكان ابتدينا
ياما دلهنا والخطا كان مدموح
كنا نمرر غلطته ماشقينا
خله يسوي مابدي فيه بوضوح
مايِنقصْ من القدر مازيد فينا
وما يجني الآ صوت بالضعف مبحوح
اقصى مداه حدود عنها اهتدينا
ياعم. خله يبتعد جد ويروح
حنا على صرح الوفا واعتلينا
يعني بصراحه ويش بقا فيه ممدوح
قله زمان وراح وإحنا انتهينا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.