يا غشيم الشعر لا تبلى القصايد - خليل بن هدلان

يا غشيم الشعر لا تبلى القصايد
دام ما بك عرف وافكارك بليده

العرب غيرك يصيدون الفرايد
وانت يا معثور صيدتك الزهيده

لك سنينٍ وانت بالشعر متعايد
ما استفدت ولا لك علومٍ مفيده

ما جنيت الا الندامه والنكايد
عزتي للي سواتك من رصيده

ودام ما بك موهبه والشعر كايد
استرح لا عاد تكتب لك قصيده

لا تنقد بالعرب داني ونايد
جنب عن الشعر دامك ما تجيده

والقصيد إللي يعرضك النقايد
احذفه لاهنت في دارٍ بعيده

اعتزل لا صرت فاشل لا تزايد
وشوف لك بالمجتمع مهنه جديده

© 2024 - موقع الشعر