ترى كلام الناس ورط روسيا واكرانيه - عيسى المحبي

يالمسلم اصبر واحتسب واطلب من الله الثبات
اصبر على الدنيا وميلتها تراها فانيه

من طبعها ماتترك الفرحه بدون منغصات
هي اسمها دنيا دليل انها دنيه دانيه

إلى أضحكتك اليوم بكتك الليالي المقبلات
تبدل الحالي بمر وتنقلب في ثانيه

واياك سرك تكشفه ماعاد فالعالم ثقات
من قال سرك وسط بير اورد عليه السانيه

واحذرمن اللي يجرحك ويقول لك مافات مات
النوع ذا لوتكرمه يجرحك مره ثانيه

واسمع وطنش وابتسم واياك تدخل فالنيات
ترى كلام الناس ورط روسيا واكرانيه

© 2024 - موقع الشعر