حوسي بحوسي

ما غمّضة عيني وقلبي بصاحي
وهوجاس قلبي ما يشيله بعيري

يا بنت عقبك ويش يقطّب جراحي
ومن ثلاث ايام ماني بخيري

ردّي عليّ: البيت دونك يطاحي
والجسم من دون العظم هو كسيري

لو كل خدشٍ عند جسمي يقاحي
وطب البشر ما ينتفع عند غيري

زعلان راضي خل قلبك سماحي
ما رخّص العشرة خلافٍ صغيري

قالت: انا للي اخذته جناحي
وهو سماي اللي وبيها مطيري

وبنت شايب والعقل دوم صاحي
ُولد عمي هو سلاحي وبيري

سيفٍ على هالصلب ورزمة رماحي
والشور شوره ما افاصل اميري

والي نوت من شان تفسد نكاحي
حوسي بحوسي بالطلاسم وغيري

دنيا مليّه بالعجايب يا ملاحي
والي يعيش الحال يصدم كثيري

ي الله ياللي قد خلقت الصباحي
صد الكيود الي وشغله نقيري