اخلاقنا

ماني على وصلك ولا طالبك دين
الله يجازي البشر في عملها

بخلاقنا نكسب قلوب الملايين
وجمالنا تندى وحنا اهلها

اهل المكارم سلمهم دايم معين
هذي وجيهٍ طيب الله سبلها

ام اني شاعر عارف الزين والشين
واخذ من العبره ونرسل رسلها

افل مسباحي وحولي شياطين
وذيب لا ملها خذاها وكلها

ماهي تجيب الا سوالف ملاعين
والعيب منك لا تخلي يهلها

هذي صلاعيكٍ وليته على الزين
يذكر فعايلهم ولا هو فعلها

يا طيب راسك لا غدا فعلك اثنين
اكرم وكرم وقمع الي يفلها

حنا على روس النوايف سلاطين
واصحابنا كفوٍ وتعرف محلها

مير الزمن اللي جمعنا على الدين
والله يعين الي يعين ويحلها

ماني على وصلك ولا طالبك دين
الله يجازي البشر في عملها