اللحون القديمه

لـ عيد رجيان الحربي، ، في الرثاء، 8، آخر تحديث

اللحون القديمه - عيد رجيان الحربي

‎باللحون القديمه قامت اهجوس شعري
‎وابتدا الليل وطال الليل والصبح وينه

‎والهموم المقيمه داخل بوسط صدري
‎اشعلت من حطبها نار والنار شينه

‎يوم تطري لي افكار وعلومن ماتطري
‎واذكري اللي بزمانن فات ياوقت وينه

‎يوم كلن له احبابه وانا كيف مدري
‎يوم شدو وراحو هذي والله الغبينه

‎اذكر اللي تركته فالقبر صبح بدري
‎في نهار الربوع وكل دمعه حزينه

‎ليت ربي سبقبي قبل يومه بقدري
‎والمنايا خذتني والعمر لاجل عينه

‎من فقده ليا اللحينه وانا بلليلي اسري
‎واردف الونه ب ونه حبايب دفينه

‎مانسيته وانادعي وطلب الله فجري
‎يالله انك تغفر اذنوبه وكل دينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر