مرت علي .. - سيف بن سالم الغسيني

ناطر على دربي تمري
مرت علي مستعجله
 
يجوز تتغلى عليك
يجوز كل هذا دلال
 
بالوقت جت وتعذرت
والوقت بعده بأوله
 
معقول يعني ما تبيك
تخون في حبك محال
 
ناديتها ما جاوبت
راحت وعن عيني بعدت
ينعاف تالي حبها
إن كان هذا أوله
 
 
 
ما خطر في خاطري
تشري في حبي وتبيع
 
الله يا قلباً يحب
وشلون يتغير عليك
 
إبتدي في ناظري
ينمحي حبها ويضيع
 
مدام حبها لك كذب
لا عاد تترجى تجيك
 
ليتني ما شفتها
ومن خيالي شلتها
ينعاف تالي حبها
إن كان هذا أوله
 
 
 
يا إيديني إمسحي
إسمها من داخله
 
من هنت بعيونه يهون
لو كنت مفتون بهواه
 
ويا عيوني إجرحي
حبها ولا تسألي
 
من خان لو مهما يكون
لا بد ما يرخص غلاه
 
هذي نهاية حبها
إنكشفلي كذبها
ينعاف تالي حبها
إن كان هذا أوله
© 2024 - موقع الشعر