لا تشيب بي - رياض العشيشان

يا هاجسي خلك معي ضد الاوهام
لا تشيب بي والعمر بأول شبابه
 
تقول لي يحرم على عينك تنام
والجرح منبت بك من الضيق غابه
 
واقول لو لا العلم ما شلنا الاقلام
ولو لا جهلنا ماعرفنا الكتابه
 
يعيش سم الداب في ناب الايام
والوقت يكشف لك عن اللي بنابه
 
مهما يطول العمر يا كثر الاحلام
اللي تغرك مثل مي السرابه
 
من خاف من دنياه ما عاش له عام
وايام عمره كل ابوها تشابه
 
ومن خالط العالم لقاء عدت اقسام
نوعين عندي عن خبرهم اجابه
 
ناسٍ مناهجها كريمين وحشام
ماهمهم لو حظهم صك بابه
 
وناسً مناهجها على دين الاسلام
لكن حسدهم غرهم بجتنابه
 
كبيرهم ياصغر عقله ونمام
واغلب سواليفه تجيب الكأبه
 
عايش حياته ماخذً دور الاعلام
بس الوكاد ان زوجته ماتهابه
 
يقصر عن اللي يشبه الطير لا حام
واللي علومه مثل وبل السحابه
 
عند الشدايد ناخذه درع وحزام
واحيان يكفي عن بعيد وقرابه
 
والجرح لو ياتي عقب خوت اعوام
اكوه بنار ولا تخاف التهابه
 
والي يلومك " رد " ماني بمنلام
جرحي وانا ادرا فيه وادراء عذابه
 
يا هاجسي والعمر لو طال ما دام
لا تنبت بصدري من الضيق غابه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر