رسالة أم ...

نعم ..
أنا أول حب في دنياك ..
وأجمل شي بعيونك ..
وأغلى شي ..
نعم ..
أنا المرسومه في قلبك ..
أنا المحفوره في ذكراك ..
وأنا لولاي ما شفت الوجود ..
ولا عرفت الضي ..
أنا أول من نظر رسمك ..
وأول من نطق إسمك ..
أنا الممزوجه في دمك ..
أنا أغلى الناس ..
أنا .. أمك
 
 
حبيبي ..
يا الشعور الي يدفيني ..
يا قطعه مني وفيني ..
أحبك كثر ها العالم ..
وأعيشك ضحكة سنيني
يا أروع ما عرفت إحساس ..
أنا كلي فدى عيونك
أعيش بدون كل الناس ..
ولا أقدر لحظه بدونك
أنا فرحك .. أنا همك
أنا صدر بدفاه .. ضمك
أنا أول من عليه تفتح عيونك ..
وهو يمك ..
أنا أغلى الناس ..
أنا .. أمك
 
 
يا بعد عمري أنا ..
وأجمل فصول السنه
يا مطر وآنا صحاري ..
ما أرتوت من كم سنه
تذكّر كنت بأعماقي ..
أدفيك وتدفيني
يا أنته .. لحظة إشراقي ..
سكنت بكل شي فيني
أنا في يوم ميلادك ..
عرفت إن الفرح موجود
وأنا في يوم ميلادك ..
عرفت إنه بقالي وجود
أبي يا أجمل أحلامي ..
يصير رضاي هو حلمك ..
وتصبح فرحتي همك
وأغلى الناس بعيونك ..
إهي أمك ..