شافته بعيونها ... - سيف بن سالم الغسيني

شافته بعيونها
مع غيرها وبدونها
ما أستوعبت ما صدقت
وشلون يقوى يخونها
موقف صدمها وما درت
وشلون سوتها وقوت
راحت لعنده ثم رمت
الدبله في وجهه ومشت
 
شافته يمسك إيدها
ويحط عقد بجيدها
شافت معاه أحلامها
بلحظة خيانه يبيدها
يا قلبها وش يجمعك
حطمك وأحلامك معك
وش صار للحب الكبير
معقوله كان بيخدعك
 
كانت تعد لعرسها
كانت تجهز نفسها
بعثر لها أوراقها
وماتت حزن أنفاسها
يا قلبها خلك قوي
بيندم عليك ويكتوي
إنساه لا تزعل عليه
صفحه وباكر تنطوي
© 2024 - موقع الشعر