وماااا صدّق خبر !!

( خالد) لو ان الزمن ياكل شعير
مات الزمن جوع.. والدنيا عبر

لكن عسى الله يعديها ب خير
انقذت الامواج.. واغرقني شبر!

كتبت لين انصف الفصل الأَخير
طار الورق / قمت.. طيّحت الحبر!!

طاحوا من العين ( ياخالد ).. كثير
من شين الايام .. والوقت الغبر

( كانوا زُرافات ك البحرْ الغزير..
قبل يولون يمتنا الُدبر )..

كنت اعتبرني وانا اكبر / صغير
صغرت بعيونهم حقد وكبر!!

كشفتهم فكر.. قالوا لي: خطير!
دفنتهم شعر سووا لي ( قبر )..

طاحوا من العين ( ياخالد ).. كثير
من شين الايام .. والوقت الغبر

حتى حبيبي ترك قلبي حسير
قلت : ( افترقنا.. ) وماصدّق خبر..!!

اقفى.. وانا صعب اجي عنده / كسير
وعجزت لانساه.. يالله الصبر

الوقت جاير / ولاني مستجير
وهذا الكلام.. الأَخير / المعتبر

خلاص ماعاد في هالوقت خير
صار الزمن غير والدنيا عبر