ان كــان تبغى راحـة الـبـال بالـذات - خليل بن هدلان

ان كان تبغى راحة البال بالذات
وتعيش محشومٍ وعالي مكانه

بينك وبين الناس حدد مسافات
خلك رزين وفيك حرص وذهانه

ترى الميانه بعض الاحيان نكبات
ما كل واحد يستحق الميانه

وعن الخلايق في جميع المجالات
اجعل لسرك في ضلوعك حصانه

لو تطلقه لمروجين الاشاعات
كل ٍ عليك الصبح يطلق لسانه

واحفظ وقارك عن كثير الصداقات
اللي تنزل قدر شخصك وشانه

واحشم لسانك عن كلام التفاهات
خل الكلام اللي تقوله تكانه

قد قالو اهل العرف في فايتٍ فات
ترى الرجل دايم لسانه حصانه

اما رقى به في طويل المنيفات
والا حدر به مع طريق الاهانه

هذي نصيحه جاتك ب عشرة ابيات
من مهجة الشاعر وصادق كيانه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر