درب الشكالات - خالد سالم بن هلّال

ماعنك يا درب الشكالات خافي
مير الهلايم في نظرها تتغابيش
 
لا صار ما جو الصداقات صافي
إدفع على تجنيبها عنك بخشيش
 
ما يخاوي الهافي سوى شخص هافي
حتيش لو يفعل من الطيب حتيش
 
أخير من وصل الرخوم .. التجافي
واخير من ذل الحياة .. النواعيش
 
وممشاك مع سكة هل العز حافي
اخير من ممشى المذلة على ريش
 
للحر في روس النوايف ملافي
خل الكهوف المظلمه للخفافيش
 
كب المكان اللي به العز غافي
بذر الصباخي لو تساقيه ما يعيش
 
ولابد ماتلقى مع الوقت وافي
قرمٍ براسه للمراجل نغاميش
© 2024 - موقع الشعر