وش تبي ؟

يا خلي صَلِّ على النبي ×× وقول الصراحة وش تبي؟
أفصِح .. وأظهِر ما خفى ...إن هو وفا .. ولاَّ  جفا

ترى الصراحة مَطلبي ×× قول الصراحة : وش تبي؟
••••••

ع حسب مسكاتك تجود ×× ولك قلب مُتْشَوِّق وَدود
وتمسكها احياناً غلط ×× نفسية .. و لِهجرك تِعود

مسكة كِذا .. ومسكة كِذا .. هواك ورد .. بْلا شذا ..
سَبِيتني في حبّك سَبِي ×× قول الصراحة : وش تبي؟

••••••
حاولت أتعَلَّم واجيد ×× فَنْ التلاعُب في الهوَى

حاولت ألعَب لعبتك ×× لكن فؤادي ما قَوَى
أنْحَبَسَت أنفاسه وْتِعِب ..و لسَّه في بادي اللِّعب

هزمتني في ملعبي ×× قول الصراحة : وش تبي ؟
••••••

طبعك يامحبوبي عجيب ×× أغرقني في بحر الظنون
خلِّيتني .. حاير غريب ×× أصبَحتْ أقْرَب لِلجنون

إنْ جيتني يومٍ حلوم .. تنسى وتقسى ثاني يوم ..
حَيَّرتني فيك ي الصِّبي ×× قول الصراحة : وش تبي؟

••••••
ما ألوم قلبي..في أيْ شَيْ ×× أنا..إللي..خَلِّيته يميل

اللُّوم .. والشرهة عَلَيْ ×× مادام انا اخترتك خليل
معذور قلبي .. لو عِشِق .. أصلاً .. أنا إللي أسْتِحِق

لأن إللي بِ يْحبك غبي ×× قول الصراحة : وش تبي ؟
# جازان ٠٨ / ١١ / ١٤٢٧ه