لا تقارن هدّة الحر العديم
في رجل دايم عديم الفايده
ولا يهمّك مجتمع فكره عقيم
المجامل فيه عاده سايده
ولا يغرك هيكل وجسمٍ سليم
بعضها لسد الكراسي الزايده
لا ترافق غير رجالٍ حشيم
كبٍ ناسٍ باللزوم امحايده
كالمطر بعض البشر يحيي الهشيم
عم نفعه للديار النايده
والرجال أفعال وافهم يا فيهم
ناس منقاده وناسٍ قايده
فيه من هو عايش وعظمه رميم
حيّ ذكره من عصورٍ بايده
فيه من له مجد من جدٍ قديم
راح أدراج الرياح الكايده
ما لقى من يحفظ الساس القويم
لين خرّ السقف فوق المايده
والنعم يا مدوّره حمله جسيم
كوكبٍ ماكل شخصٍ رايده
ما يطوله ؤلا ذو فعلٍ عظيم
هدّته من كل جزله صايده
الشاعر : عوض سلامه العنزي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.