دفن بين الثرى هينا

تفاهمنا الغياب اللي يريح خاطر "  فينا
تعبنا والزمن ساحل ويجزر من شواطيها 

حبيبي والقدر ما عاد له  مركب ولا مينا
نصيب الوقت من يخلص تظل ترقب ثوانيها

تعدى الشوق من عينه وطاح الدمع من بينا
يراقب للظلال  و ما وجد غير الوله فيها

سحابة صيف لا مرت عطت ما كان بيدينا
كفوف الود من تجمع على ما طاح ما فيها

هياضه حيل لا داوم شرب من كاسها طينا
وسقوط اللي نزل منها بقى للعهد ماضيها

نهاية حبنا الحالي دفن بين الثرى هينا
مشاعر ما تعود احيان متى ما مات راعيها

بقلمي... ابو عبدالله المضياني
أسير الحرف