يالله ترحمنا

لـ مضاوي، ، في الحكمه والنصح، 49، آخر تحديث

يالله ترحمنا - مضاوي

الرحله اللي ماوراها مواعيد
 
والله لو طال الزمان ابتجينا
 
مير اغنموا ايامكم ياهلا البيد
 
مادري ويش اللي بالثرا يحترينا
 
حنا خذينا قسمنا يالاجاويد
 
من النعم اللي تكتت علينا
 
و ليا قضا العمر مافيه تجديد
 
تمضى سنين العمر وحن مادرينا
 
ايامنا تركض مثل هدت الصيد
 
ونركض وراها ودونها ماسلينا
 
ومانصحا الا لا غشتنا التجاعيد
 
وجانا مع الكبر المرض واشتكينا
 
يالله ترحمنا نهار اللواهيد
 
لانازعت الروح ومعها انتهينا
 
 
 
 
اللهم رحمتك الواسعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر