مره !!

لـ مرضي البلوي، ، في السفر والاغتراب، 49، آخر تحديث

مره !! - مرضي البلوي

مره ولا قبلها ولابعدها مره
في منتصف قلبي وفي نبض عرقيني

لو انها تعاد بادت حسره وحره
لكن ميلادها عمري مايمديني

لعل باكر يجي من غير لافتره
شريط الامال ينشد عن عناويني

وتغيب شمسه قبل لاتصير محمره
وهو قبل ماتغيب يقولي ويني

ولا درا إني كفيف الحين والغره
ولاعاد اقدم ولا اخر بيديني

عقارب الوقت موقوفه ومظطره
واستوقفتني كثير وضاعت سنيني

الا على ابو نهودٍ جالها زره
واتسيدت عرش مملكة السلاطيني

في صدر غرون صغير اغليه وابره
ومعزتي له تحت ستارها الديني

والله لو ينفضح حبي له اضره
ولو ينكمن بصدور يفوح ويبيني

لكنّ صدري له المسكان بالمره
ومن دونه سياج مغلوقٍ بقفليني

مابوح في حبٍ انس بحره وبره
خلف الضلوع اتركه عله يسليني

© 2022 - موقع الشعر