تاجر السكراب

لـ فهد المنصوري، ، في المدح والافتخار، 9، آخر تحديث

تاجر السكراب - فهد المنصوري

تجنّبت نظم الشعر فتره وشفي طاب
من الشعر واهل الشعر واعذب طواريقه

ولاعاد احب اطلع كماهم على المرقاب
من اسهابت الشعّار ابتعب ف تدقيقه

تشبّعت من شعر المدايح وقافي شاب
وصابتني (التخمه) بعد صرت ما طيقه

ولا ثوّر القيلون / غير انت » يا الكذاب
يابو مدح مايركب + ومبدع ف تلصيقه

ماصرّنا نفرّق فالقصايد من الاسهاب
ومن عالمن تتعب وتدفع ل تسويقه

الين اصبح الشاعر كما (تاجر السكراب)
مافي شي في سوق الخرد يقدر يعيقه

يلمّ القميم اللي ف دربه (بدون اتعاب)
يدوّر من الجمهور صيحه وتصفيقه

عرفنا لغاكم زين
ورطن الهنود اللي يجينا على ( تيقه )

ياحصّالة ابن دخين : يامعقل الانساب
ما دام النسب عندك موثق بتصديقه

ابعرف وجيهن فالقسى تنحسب بحساب
عشان اعرف اللي اصلهم بات تلفيقه

ولابمدح الا واحدن ما عليه حجاب
يشرفني ف مدحه ورسمه وتعتيقه

مثل بن حمود الشامخ اللي من الاصحاب
كما الحلم والله راد لي يوم تحقيقه

.....
بعدما عزمني فالحفل ماعنه مجناب

على طيبه المعروف فنجالها سيقه
اباها من اللي تطربه لانشرت اسناب

واباها من اللي تعجب العين وتويقه
( ثبيتي ) وله موقع يجمّل من الاعراب

واله سيرتن عطره ولوحه وتعليقه
معاريفه الواجد : معي مالها حسّاب

تخلّيني احضر — واتألق ل تأليقه
هلا مرحبا بسمه على الضيف والاجناب

على الحفل واهل الحفل واغلى مطاليقه
تراحيب ننشرها … ونبذل لها الاسباب

على الشعر واهله .. بعد فكت بها ريقه
رجالن لهم تاريخ مذكور وسط كتاب

ولاادري من اين ابدا ف جمعه وتفريقه
نبي الله امحمد ( رسول اعظم الارباب )

قبل يبعثه ربي ،، بشرعه وتطبيقه
تربى وخصّ ابه (الذويبات) ف الاعراب

بهذا الفخر •• واللي لهم •• تم توثيقه
عرب بن دخين ومعقل العرف/ والاعجاب

بهذا النسب » يحتاج سجه وتحليقه
لو استطرد اشويّه ابتعب … وبفتح باب

ولا ودي افتح باب ... نتعب ف تغليقه
هذا ما تيسّر … وان بقا شي ولا غاب

ماعديت في مدحي بهم غير تشويقه
#فهد_المنصوري

———————

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر