ميعاد الجرح

تسولفني وانا اللي ماعرفت الشوق والاشواق
ولاسامرت غير الجرح لين اصْبِح على غْيابك

على ذكرى هذاك الصوت مات الحلق والخَنَّاق
وفز القبر والوحشه تعزي شلة اصحابك

ومتنا من هذااااك الوقت قبل انْفَتِش الاوراق
وقبل ماينفجر صدري وتضحك طعنة احْرابك

تشوف اني عدوك والسبب غلطة لقااانا العاق
واشوف اني ضحية والسبب من رعشة اهدابك

ياميعاد الوجع صب الحنين بصدري المشتاق
عسى غيبوبة افراحي تودعني على بابك

وعساني لابغيت انسى اسولف لك قبل ماشتاق
ولاتنحرني الذكرى على بوابة اكذابك

وعساني كل ماهبت هبوبك وانْتِثَرْت عْناق
يِجَمّعْني جحودك واني اخر شي بحسابك

وعساني ماوقفت (الا)مسافر والمطار فْراق
ولا. ودعني الا شي يوجعني على غْيابك