العزله اطيب

العزله أطيب بطاعة خالق الفرقدين
‎‏حتى لو تعيش وحداني ، بدون أزملا

‏مافيه متعه تضاهي متعة الصالحين
‎‏معطيهم الله سعادة منه ، جل وعلا

‏سعادةٍ من نصيب .. عباده التائبين
‎‏أتقول للمذنب أرحب عد وقلط هلا

‏أنفوسهم مستكنّه بالرضا كل حين
‎‏والهمّهم الله سكينه داخل المختلا

‏اليا سجد منهم المؤمن وعنده يقين
‎‏ما ينتهي من دعاه .. الأ وهمّه سلا

يجيك راضي ومستبشر مع المخلصين
‎‏وصدره من الانس بالأيمان شبه أمتلا

‏سيمائهم ف الوجيه تبان يا مسلمين
‎‏وإيمانهم .. زادهم قبله وملح وحلا

‏أتقول معهم قبس من نور "ربٍ مبين "
‎‏يضوي عليهم وهم يمشون وسط الفلا

‏مغنيهم الله بفضله واكرم الاكرمين
‎‏لو كان ما تملك من القوت شرب وكلا

‏ما بين إِيَّاكَ نَعْبُدُ 'شوفهم' واسْتَعِين
‎‏أملازمين الفروض الخمس لين أولا

‏وأضيق وازعل من التقصير وانا مدين
‎‏مدين بالفضل هذا له أمام الملا

يا الله بتوبه نصوحه تنكتب ف الجبين
‎‏يأنس بها من نزل قبره ، وآكله الخلا

‏شفني وانا مثل قايد 'جبهة النصرتين'
‎‏مشغلني أبليس .. وذنوبي تقول أعملا

‏مدري متى أتوب عنها واتبع المهتدين
‎‏واضرب على نمرة العصيان أكس وجلا

‏هي والله المكسب اللي ينفع الراحلين
‎‏للي توفى ، واخذ قسمه ، وعنها جلا

‏ما عاد تغريني الدنيا .. عسى الله يعين
‎‏مدري تشبّعت مدري نضج مدري بلا

‏أنظر لها نظرت اللي عافها من سنين
‎‏ما كن في القلب مر لها مشاعر غلا

‏لكن أعاهدك بالله ، يا بليس اللعين
‎‏اني مع الله ل جدّد كل يوم الولا

‏عشان اجي عند ربي رجل تقوى ودين
‎‏ما اجيه عاصي وانا مذنب واخذها حلا

فهد المنصوري