حذرى ..!!!

لـ مرضي البلوي، ، في غير مصنف، 35، آخر تحديث

حذرى ..!!! - مرضي البلوي

أعلام مرتزه ومرتزه خشوم
حذرى تطيح أعلامها لخشومها

ماعندنا في تالي القصه ختوم
قد انتهت بوسومها وختومها

اليا ابتدينا فيك يا سرد العلوم
مانكتفي في ظرفها او يومها

حنا نجدد للملاقى كل يوم
بعزوم بعض الخلق ماهي عزومها

ونفرق نهار السوم وده فرق سوم
عن كل من نفسه بلاش يزومها

الله يحفظك يالكواكب للنجوم
والله يعز اسرابها ويدومها

لولا السما ماتتسع لاقصى العموم
ماشفت لك نجمه غريقة نومها

يا من يصحى من غرق في عز نوم
العز عنها ما يمس هدومها

حنا وصلنا والدفاع مع الهجوم
ليه الدفاع يصير ضمن هجومها

تبجحت بقعا وهي برضٍ خدوم
عجزت لاتاخذ فالعرب مقسومها

© 2024 - موقع الشعر