لا تغمض عيونك - سيف الظاهري

اغار انا من كل عين تشوفك
الا عيوني كيفها لو تشوفك

ما ودي تلمح عينك عيون غيري
ولا ودي ينعم غير عيني بوصوفك

كان النظر مسموح بس العيوني
اما لغيري ماله الا طيوفك

خل الوله يرتاح بيني وبينك
يكفي تأثر من ظروفك وظروفي

لا تغمض عيونك وتتعب هدبها
اشتاق انا في كل غمضة لشوفك

انسى اللي حولي ومالي الا عيونك
كل العيون اتغيب لحظة كسوفك

مدري هوى والا غزل والا اشواق
يوم المحك يزول خوفي وخوفك

احس كنا الدنيا تزهر وتنور
ويزول همي يوم اجيلك والوفك

كل الجروح اتطيب لحظة وجودك
واقرا الالم في عيني تفهم حروفك

معنى الهوى احساس ما بين لعيون
ويا كثر حب فاض لك يوم اشوفك

© 2024 - موقع الشعر