نبطي(غنّت وقالت)

غنّت وقالت ليت يرجع زماني
أربع سنينٍ وانت ويّاي موجود

ياليتها كانت جميع الأماني
في أمنيه وحده ولا أطلب الزود

الحب ياقلبي معك شكل ثاني
كله دلع كله غنج فل وورود

اليوم في قربك أعدّه ثواني
والثانية في البعد بيّامنا اعدود

ضحكة شفاتك مثل عزف الكماني
والصوت فنانٍ مع اللحن موعود

ضاعت تعاليل الهوى من لساني
في حضرتك هيبه تنسِّيني الفود

تكفى تكلم واسقني بالمعاني
عطشانةٍ شفني ولاغيرك يجود

قلت أبشري بالحب يابدر باني
ياللي ظفايرها دجى ليل ممدود

اتضيع في مده جميع الغواني
ويضيع في حده بواتيع وأسود

الحب ويّاكِ دخول الجناني
وانتِ بنات الحور والخمر والعود

وانتِ السحايب لا غدرني زماني
والحسن تاجك لودنت كاعب الخود

مافيه مثلك بالزمن والمكاني
بنتٍ عليها الوقت لو شافها يعود

أفديكِ من كيد النسا والشواني
أفديكِ لو أقلب مع الوقت نمرود

1/11/2020