نبطي(إشتقت) - أحمد بن محمد حنّان

إشتقت لحروف المها والتراتيل
اللي تضيّعني بهمسة شفاها

لو قلت رايح أسرجت قافها خيل
على جنود البعد ترسل وفاها

ولو غار بي برد الشتا أخر الليل
مع طيوف الحب ترسل دفاها

وجْدي على جمر الغضى والمناقيل
اللي تسامرني على طيب فاها

تجذب من ابيوت الشعر وافية كيل
تطرب بها وتلين ساعة جفاها

سبحان من أشعل هواها قناديل
داخل فؤادي والزمن ماطِفَاها

كن الزمن جندٍ مع الغل والكيل
بالحب يشعل مهجتي في خفاها

يامْكَلّفٍ وحي الرسل فيه جبريل
ومْبَينٍ غيب السما في خفاها

أُكتب لها ربي من الحلم تأويل
ولاّ بوحيٍ لو دَهَلْهَا كَفَاها

19/9/2020
© 2024 - موقع الشعر