نبطي(ياهاجسي)

ياهاجسي لا صرت في داخلي اتحوم
ماظنتي يلفي على العين نومي

لا عاش من يبعد وعن مثلك يشوم
لو كان يلحقني من العين لومي

شب الحطب والنار أطوالها ارجوم
خلها مع الغيمات تخفت وتومي

نادي الحروف اللي يصدّونها القوم
تقلط على كيف العرب والشحومي

ماني معذّرها على حالي النوم
مادام عزّتها تفز وتقومي

بافرش لها أوراقَ الإحساس بالكوم
تشري بحبري أو تبيع وتسومي

عن داعج العينين مالد وأصوم
مادام في وصفه يبي يزين يومي

لو كان في عينه من الفاتك اسهوم
ولو كان في خصره تدور النجومي

ولو كانت اخدوده من الرقه اغيوم
قوس القزح فيها يجول ويعومي

خطر خطر حسنه وانا منْه مكلوم
تشهد له الفرسان من كل قومي

21/7/2020