ياهاجسي رتب جديد القوافي - فالح بن معترم

ياهاجسي رتب جديد القوافي
واجمع لي الامثال في ربع ساعه

اليوم بين كل ماكان خافي
خابرك للجزله تجيك اندفاعه

ميز وبين كل هافي ووافي
واللي خذا علمك تجمل وذاعه

واللي جهل ماقلت مابه خلافي
فرقن بخلق الله شعور وقناعه

بعض البشر ميت شعوره وطافي
مايعرف الا هرجتن في لاكاعه

جاهل بدين الله للارحام جافي
ساعي بمتاعه خيب الله متاعه

والبعض الأخر مدهم مد ضافي
جامع علوم المرجله والشجاعه

قرم وكريم وبين ربعه سنافي
في وصل رحمه مايعرف القطاعه

بينت لك مافيه كل اختلافي
وبذلتك جهدي بقدر استطاعه

والسفن تمشي بالرياح الصلافي
لو يرفع شراعه ونزل شراعه

اترك دقاق العلم كب الضعافي
واترك علوم المهزله والاشاعه

وخلك صحيب الحق لاتصير نافي
وتاخذ طبوع النذل وتلبس قناعه

واسمع لنصحن جاك مابه رهافي
واحذر من اللي ساعين في ضياعه

© 2024 - موقع الشعر