بصنع قارب !

يا بن أدم لجل حلمك في حياتك حارب
‎كل فكره للنجاح المرتقب قوم ابها

لا تسمّع في كلام المحبط المتغارب
‎خلّك أحسن منه قو عزومك ودربها

التفاؤل مدرسه كم طولت من شارب
‎ما نجح منها سوا اللي في العرب جربها

والثقه في الحلم تصنع لك نجاح مقارب
‎واليقين الصامت اللي فيك بيهذبها

أنت بس أبعد عن اللي عزم حيله ضارب
‎والامور الثانيه بأذن الله لتكسبها

خل سرك مثل هندي عن كفيله هارب
كل هرجه تبلشك يا صاحبي جنبها

لو تجي في باب صنعا قلّهم في مأرب
‎الوضوح ان زاد في العالم ترى ينكبها

لا تخلّي حبلها مفلوت فوق الغارب
‎عند من يحبطك لا سولفت ويكذبها

لو تجي وتقول للبدوان "بصنع قارب" 🛶
‎‏ مستحيل أفكارك الحلوه تبي تعجبها

‏قالوا البدوان عنك « أفلان جانا شارب » 🍺🤦🏻‍♂️
‎واتهموك بحاجةٍ مافي أمل تقربها

لا تصادم مع حداهم وقتها وتضارب
‎ولا تجيب اللي ما هي مألوف وتخرّبها

حدّث العاقل بما يعقل 'وسدّد قارب'
‎دوّر أصغر حلم عندك يمكن يناسبها

#فهد_المنصوري‬⁩‬