نبطي(أهل القلوب)

قالوا بإن الحب عدى حدوده
أهل القلوب اللي مضخاتها سود

الحب جنه حمرواتٍ وروده
والدم الأحمر بالشرايين ممدود

لو شفت خده والشفق في خدوده
كنك مع قوس المطر جيت موعود

أبو جبينٍ لا لمحته وجوده
كني لمحت البدر بالأرض موجود

مسكين من هو قد تمنى عدوده
غنى وجودي والوجِد أحزنه زود

وا وجد حال اللي من الشوق عوده
والنار من صدره توهج ببارود

لاهب بجوفه والبلا في وقوده
سخّر ضلوعه أكلها ويضاً احيود

ياعاذلي والصد لرسل وفوده
ماني مسكّن هاجسي داخل إلحود

لو قاضي العشاق يرسل أسوده
هاموا معي وعيونهم دومٍ اسهود

واليوم شفها ذي الغزاله الشروده
العذب من كفي لها غير مجرود

ياما من العشاق عطشى كبوده
لا من زهمني قلت له السمع محدود

وياما من العشاق غنى وجوده
وغنت على وجده ترى الباب مسدود

15/7/2017