نبطي(مالك قبول)

أهٍ من الشرهات ياراع الهوى مالك قبول
مادام مانت نجمةٍ لا ظلّمت بك نهتدي

إشره وتلقى لك ظهر واحكي عن اللي بك يجول
الناس ماهي للسلق مدّاحةٍ يوم تعدي

إن كان مالك مخلبٍ لا شافه الشاجع يهول
أربض على همك ولالك باليماني والجدي

ترى الليالي لا قست ظلمى على منْه جهول
لا هو براقي له جبل لا هو بسيره يسعدي

إما يطيح وطيحته تاخذ يدينه والرجول
ولا بسيره حفرةٍ تهوي بعقله يابعدي

دام النصايح بيعها في مامضى لاهل العقول
خذها ولو إنك خبل من دون مالٍ أو فدي

وعداد حبات المطر يوم السحب تهدي الهطول
صلوا على خير الرسل أحمد بنوره نهتدي

5/3/2017