احساسي .. وجرّة لحوني - سيف الخالدي

واجد يبون القرب منّي وصدّيت
كلّه على شانك يا سبّة جنوني

غيرك تمنّى ينكتب فيه لو بيت
وانت القصايد كلّها لك تكوني

صوتي غدى فيه الألم والتناهيت
واقسى المواقف شفتها في عيوني

وان كانه احساسي غدى فْعالمك .. ميْت
يا لعنبو احساسي وجرّة لحوني .. !!

ما عاد ابآغنّي .. واذا يوم غنّيت ..
كلّه من جْروحي وكثرة حزوني

لو ما القصايد بعْضها يرفع الصيت
ما شفت عشّاقي تردّد شجوني

ودّي تفاخر في قصيدي .. واذا جيت ..
آسمّعك حرفي .. تجنّ لْجنوني .. !!

© 2024 - موقع الشعر