عـِــش .. !!

لـ سيف الخالدي، ، بواسطة غادة العلوي، في غير مُحدد

عـِــش .. !! - سيف الخالدي

كل الثواني غرّدت في غصونك
محظوظ من عندك بنى يالغلا .. عِش .. !!

يا صاحبي دامه غمرني جنونك
ما للزعل سطوه وغصن الزعل هش

تسمو على كل الخلايق فنونك
فنون ما فيها من الزيف والغش

فيها من الروعه حقايق تصونك
يا غيث عطشانك إذا ماطرك رش

مغرور بك (كيفي) .. أنا كل كونك
غرور ما يلمس مقامك ويخدش

في كبريائك مع تعابير لونك
يذوب ذاك الحي ويْديه تفرش ..

وْرود تحنانه لضحكة عيونك
ويْلحّن شْعوره على قافية (أش) .. !!

غنّابك اللي في حروفه يمونك
غنّى (نعيش الحب) .. ويْقول لك : عِش .. !!

© 2024 - موقع الشعر