المرحوم

لـ مفلح نجم، ، في الرثاء، 6

المرحوم - مفلح نجم

يقولون العرب مبروم مايلعب على مبروم
 
وانا اشوف المصالح تحْكم المبروم وابْرومه
مدام ان الصقور مبرقعة واللي تشوف البوم
 
فلا تنشد عن اطْيور السما والارض ملغومة
ياجار الليل وعيون السهر والتاجر المحروم
 
ياعمرٍ عاندته الريح والا قدار مقسومه
ي شيّ من احتباس الدمع واحلام العطا. المعدوم
 
يازفرات ابدويٍ ماتوا اللي تحشم اسلومه
ياحيَّ ع الفلاح. ويَ (الصّلاةُ خيرٌ اِمْن النوم)
 
ياميعاد الشفق للي عقد بعد السّحر صومه
ياريح الهيل وطقوس الشبب
والمجلس المزحوم
 
ل دار الكيف واصدور النشاما. عِرْف. مزحومه
وسرى ليل السوالف والمثايل والقدر محشوم
 
واذا طال السهر. بعد العِشا. ساعه. ومحسومه
ياذاك الماضي اللي ماتستر في قفاه رخوم
 
ولا. كُثر الدراهم شَيَّخ المجنون. وارْخومه
ياترحيب الكريم اللي مغطي حاجته بعزوم
 
على ماقيل. تبشر ..به(. لو. انك تطلب اهدومه)
 
ياذاك الارث لاتعتب عليّ ان قلت لك مرحوم
 
ولاتعتب عليّ ان جيت اترجم غدر. منظومه
ومن حقك تقول اني جبان. وخنجري. مسموم
 
وغيري بالملايين وخناجر غدر مسمومه
انا مدري وش اللي صار اخاف ان القيامة تقوم
 
وحنا بالظلال نهيم والاقدار مشؤمه
ولكن ل ابتدا الطوفان وش ينفع لو إنا نعوم
 
مدام ان احتياطات السلامه شبه معدومه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر