وبـْـل القصيد .. !! - سيف الخالدي

في ليلتي شاعر ٍ يسهر معَ شوقه
والوقت برد وْ من الشوق إشتعل لك .. ضوْ .. !!

شوق ٍ سرى بْخافقي لين آخر عْروقه
يا ما تمنّى لقاك وْردّده في : (لوْ) .. !!

لو هو لقاك وْ شرب من شوفتك ذوقه ..
كان المسا غير وآكيّف بأحلى جوْ

واعطيك حبّ ٍ يتل ّ القلب ويْسوقه
وابيات ما هي لغيرك .. والقصيد احْلوْ .. !!

يفداك منهو يغنّي الحب بطروقه
أو يسهرك .. أو تعنّى .. أو لآخر (أوْ) .. !!

توّك بعد .. ما عرفت الحب .. وحروقه
توّ الغلا باوّله والدرب يبدا .. توْ .. !!

والله رهنت العمر لين آخر شْروقه
بيديك يا صاحبي .. واللي تودّه .. سوْ .. !!

© 2024 - موقع الشعر