يا حرف

يا حرف لي مدّه وانا انصاك وتخون !!
وش فيك ؟! يا مال البلا والطواعين .. !!

خابرْك تتشيطن على الشعْر بجنون
واذكرْك لا خان الردي تْعون وتعين .. !!

الحين جا وقت البلش نبغي العون
يا جعْل تفداك العفون الملاعين .. !!

ليتك (عصى موسى) على كيد فرعون
لقف الحيايا لا غدو فيك ساعين

إن جاك من يلعنْك يا حرْف بال(نون)
لا تنحني واكتبْه : يا (سين) يا (عين) .. !!

لا تْنام شروا ربعنا عند (شارون)
اللي لرقص (البرتقالات) واعين .. !!

أغلى قصيدي فيك يا حرْف مضمون
محشوم .. لاتسمع لهرج الوراعين

يا حرْف ما بدّلْك بكنوز (قارون)
دامك تعوّضني عن الصاع صاعين .. !!