يـا فــهـد

دلّة ٍ فوق الجمر فاحت بغاديد
شف ّ قلبي يا فهد ما تجهله

صبّلي فنجالها .. طفّ المواقيد
يمكن انسى كلّ همّ وْ مشكله .. !!

يالزبن يابْن الزبن .. درع الصناديد
طال ليل الهم ودّي نقتله

طال عمرك وانت ابخص بالمقاصيد
يا سنادي بالدروب الممحله

أذكر انّا مارْتخينا بالجلاميد
كم صخور ٍ حطّمتها زلزله .. !!

كم عداة ٍ يمّنا ولّو مقاريد
نقطع آساس الردا من أوّله

يا فهد جتنا من الجاهل مناقيد .. !!
من عفون الناس ذيك البلبله .. !!

قلّهم حنّا بني خالد .. نماريد
يثبت اللي قلت .. ساعه مقبله .. !!