سولفي لي
سولفي لي عن زمن ولى وراح
عن زمن تخليد ذكرى الطيبين
في تفاصيل المباح ولا مباح
جرعةٍ منهم لجيلٍ ناهلين
سولفي لي معك انا لين الصباح
واحذري جلب العلوم الناقصين
كيف كانوا بالتصافي والسماح
في تعامل بالنوايا ناصعين
فالتشره والعتب ضحك ومزاح
ماخذا نوع الزعل متخاصمين
وفي معيشتهم باجسامٍ صحاح
خاليات السقم من داءٍ لعين
وفي تواصل ود بالرحمه متاح
للجوار وللقرابه غانمين
وكيف كانت تربيتهم للملاح
من تقاليد وعوايد باركين
وكيفهم مع طاعةٍ دون الصياح
تحت امرٍ فارضينه والدين
ومع توافقهم مع افراح وتراح
في قناعه بارتضاهم طايعين
وكل شيٍ محتويهم بانشراح
ماتعرض ل اختلاف الناقدين
اضحكت قالت لوين الفكر راح
للعصور الماضيات الماحلين
كل عصرٍ له شموسه بالوضاح
مايدم ياغير رب العالمين
ان بغيتي الجد وعلومٍ نصاح
عايشي الواقع ولو يبدو حزين
كلمات :
غزيل سعد " الملتاعه"
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.