قـصـّـة غـَـرَق .. !! - سيف الخالدي

في البحَر .. معْ طاري الأشواق قصّه للغرَق
تحتضر عنده سفينة هاجسي وازداد شوق .. !!

مرحبا بالطيف لو فتّق سما شوفي .. برق
ولطمة الأشواق ما تشبه سوى لطم الخفوق

للنوايا البيض .. أو لليل .. أو سر الأرق .. !!
للنفس .. للدمع .. للأحزان .. للدم .. العروق

ذبت شمْع ٍ في ملامح ليلة العشق .. احترق
ذاب قلبي وارتعش .. لحْضور نورك والشروق .. !!

بين سكرة هاجسي بك .. واشتياقي .. مفترق ..
للدروب اللي تقرّب .. والدروب اللي تعوق

كل نجم ٍ لي يجيبك .. كل صبح ٍ لي شرق
كل علم ٍ بك يسولف .. ياخذ احساسي لفوق ..

للقلم .. للحرف .. للمعنى .. لصفحات الورق
للقصايد .. للشعر .. للقاف .. وبحور وْ طروق

وين اوجّه بك وقلبي .. في معانيك انسرق
مع حروفك .. مع دلالك .. مع وفاك وْ كل ذوق

والله انّي من عرفتك .. شفت حبّك يخترق
في صميم القلب ماكن .. واعظم احساسي يتوق

والبحر .. لو كان يدري عن غرامك .. قد غرق
مثلما شاعرْك يغرق .. في غرامك .. ب( 1000) شوق .. !!

© 2024 - موقع الشعر