لاتبتليني يازماني

لـ الشوق طير، ، في غير مصنف، 179، آخر تحديث

لاتبتليني يازماني - الشوق طير

لاتبتليني يازماني بما فيك
الله يعلم خافيات السراير
 
ماني بطايع لك ولاني ملبيك
الراس شامخ طول ماانت صاير
 
وياتايهن بالله توزن خطاويك
لازم على المخطي تدور الدواير
 
فينا الوفاء من قبل اشرح معانيك
لن الوفا بالوعد طبع الحراير
 
وشيّ ماهو لك فلاعاد يعنيك
مايجبر المكسور كثر الجباير
 
ولو تجمع الدنيا براحة اياديك
تتقلب الاحوال والوقت جاير
 
ولاتظن الناس عن حب تغليك
بعض الغلا يجرح عزاز الضماير
 
ماجيت اسولف بالقصايد اغنيك
الشعر حكمه تستنير البصاير
 
وما كل شيً دايم الدوم يرضيك
لان الاجل ياحلم خطه مغاير
 
سنين مرت دون نعرف اراضيك
لو يملك الجنحان ماعاش حاير
 
واليوم ياشاطئ تجلت موانيك
ولاحت اياديها تزف البشاير
 
سلام يا دارن نبت كل شي فيك
حلمي وطعنة حقد من كف باير
 
وجيتك على وعدي بجرحي اداويك
واثبت وجودي عمد وسط العشاير
 
هذي عيوني يا وطن لجل عينيك
وضلوع صدري والمواقي ستاير
© 2024 - موقع الشعر