وصف الحبيب - صالح محمد الزهراني

ربي حكيم و حكمته للبشر عون
سخر لنا ناس(ن) حبايب وغالين

وأنتي من اغلأهم بارددك بلحون
سخرت لك شعري والّحنه تلحين

كلك وفا وكل البشر عنك يدرون
وشلون لا وأنتي مع الكل توفين

منك الجمال يغار وتصيبه ظنون
ويقول حسنك مانخلق منّه اثنين

والحسن ينظر لك بنظرات مغبون
ويقول يا سبحان و اهبك هالزين

لك شعرطايح منتثر فوق المتون
زادك حسن مع زين ساعة تقفيّن

الله خلقك وصار لك خلق مفتون
مابين خدينك و حاجبك و العين

وغمازتينك و الكحل رسم وفنون
ولؤلؤ مابين اشفاهك انصّف صفيّن

مثل الفجر لاشق نوره على الكون
وجيدك مساحاته مسافات وسنين

يصيب رواده و ماشيه بجنون
ومابين. جيدك والخصر كالبساتين

فيها ثمر ناضج لها طلع مضمون
الصدر طلعه طلع رمان(ن) أو تين

تكفون من يجنيه بالرفق تكفون
والخصر ناحل مثل عود الرياحين

تلعب به الارياح ويميل بمجون
يشكي من الاوراك ميلات الإثنين

ويقول مشيك به ترانيم وشجون
خلف ضحايا إعدادها بالملايين

تمخطري يالعنبو من يغارون
ويالعنبو من ينتقد كل هالزين

أنتي ملاكي وأنتي العين والنون
وأنتي الحشا والجوف لابد تدرين

هلي دموعك وانثري كل مكنون
وكل الهموم اشيلها لأجل ترضين

باضمك بقلبي واعالج لك طعون
بقت في أعماقك وخلتك تبكين

أنا لك الماضي وحاضرك و العون
وربي بحكمه ساقني لك لتبقين

أنا الغرام الليّ على قلبك يمون
وأنتي الغلا وبداخلي ما تموتين

خلك معي كالورد ناعم ومفتون
وباكون لك يوم السعدقبل تشقين

أنا الحبيب اللي يضحي ولايخون
وأنا الصديق اللي لاصقتي له تجين

© 2024 - موقع الشعر