راكب اللي تقصر اليابان دونه الشاعر زياد السعدي - زياد غانم السعدي

راكب اللي تقصر اليابان دونه
كابرس ورّد من اللي بالولايات

يبطي التايوتا لا مايشبهونه
عزم قوه راحةٍ تفرق فروقات

يبطي النيسان مايعزف لحونه
لشتغل سلفه تقل ترعد سماوات

مايعيبه عيب يااللي تشتمونه
للولي دره بلا شكّ و مروات

لاهرب من نقطةٍ مايلحقونه
معجزه ماله ذرى يقصر طويلات

لا شلع يلزم على اللي يركبونه
يربط احزامه ويلزم صمت وسكات

لانه اليا جاب عزمه ماتهونه
يمكن انه يقلع بليا مطارات

منوة اللي مغترب والحظ دونه
تقرب الديره ولو طالت مسافات

صمموه اللي صنمهم يعبدونه
اللي ماعمره توضا لصلاوات

الشاعر زياد السعدي
© 2024 - موقع الشعر