الشيب

لاتنشدوني ليه داهمني الشيب
وتستغربون ابعارض ويش جابه

انا ادري ان الشيب مابه عذاريب
ما عذرب اهل المعرفه والمهابه

وسؤالكم ماهو حرامٍ ولا عيب
لكن يتعبني كثرٍ جوابه

ينقض جروحٍ وسط قلبي معاطيب
ما فادني فيها طبيب الطبابه

ما هي من اسباب الهوا والرعابيب
الحب والله ما حسبنا حسابه

من وقت ما يرحم عطيب المضاريب
ومن الزمان اللي حربنا حرابه

حاربني بكل الحيل والاساليب
واصبحت صفحة فارقة في كتابة

وان شاف جرحٍ غايرٍ قرب يطيب
يردني ما بين ضرسه ونابه

وباقي يهددني ولا ادري وش يجيب
الله يستر وش بقي في جرابه