فارس الأحلام

إحلمي في منامك وشوفيني حقيقة
وأتخيليني صدق واقف(ن) قدامك

وأسأليني كيف إنتي أسرتيني
وأسأليني كيف طحت بغرامك

السالفة من أوّلها وقبل التّوالي
نظرة عيونك وطعنات بسهامك

ومن شفتك سلّمت لك أمري
وهيّيت لك نفسي بإشارة إبهامك

وزدتك في الغلا من زود حبّي
وأسقيتك زلال ودّي وأعطيتك مرامك

وحطّيتك في الحشا بين الحنايا
بداخل الجوف في قلبي مقامك

واليوم أشوف حبّك يجزر ويمدّ(ي)
في بحر ذاتي ولا أدري وش علامك

عقب الطعون أللي مالها عدّ(ي)
تنكّر حبيبي وتنسى ماضي أيّامك

جروح روحي على روحي تنوحي
ونوحي على قلبي معلّق في هيامك

أنا أسيرك وأسرحي فيني بمنامك
وأتخيّليني بصدق إنّي فارس أحلامك